與陳啟泰相逢留言板
陳啟泰的新浪微博

« Back to website

9:14pm 06-05-2012

kris俊

不管我消失多久只要来到这里就能掌握大佬动态！哈哈!

9:05pm 06-05-2012

萍萍 ida

陳啟泰重返亞視 感覺如回娘家

aTV 55周年台慶啟動當天，在云云的嘉賓中找到陳啟泰(Ken) 接受簡短專訪。Ken被問及離開亞視及後重返的感覺，會否重拍《百萬富翁》，以及對公司的期望。

陳啟泰=陳, 記者=記

離開亞視兩年 重返如回娘家

記﹕請問Ken離開了亞視多久？

陳﹕兩年，我是去年10月重新回來亞視這個大家庭的。

記﹕回來後有什麼感覺？

陳﹕ 感覺就是回到娘家， 其實之前是因為公司人事變動， 我不適應， 所以離開，基本上我是一個喜歡安定的人。

再拍《百萬富翁》？還不是時候

記﹕早前的台慶宣傳片，讓你再次擔任《百萬富翁》的主持人，觀眾的迴響很大，有人更提議，希望《百萬富翁》重出江湖，你有什麼回應？

陳﹕我覺得現在未是適當時候，《百萬富翁》吸引之處， 除了是形式好之外，當然就是獎金豐富﹔但是現在亞視正處於拼搏時期， 如果再調動一百萬元用作獎金，未必是明智之舉﹔目前最重要的， 是重新建立台勢，增加自家製作的節目，一切重上軌道。 還有一個個人觀感，《百萬富翁》是2001年的製作， 事隔十年，我自問外形上變化不大，如果現在再擔任主持，未必能夠為觀眾帶來新鮮感。假如過多幾年，到我超過50歲後，可能頭髮白了， 皺紋多了，外形上變化大了，就會為舊觀眾和未看過《百萬富翁》的新一代朋友帶來足夠新鮮感。

記﹕現在看你保養得那麼好，可能十年後，變化也不會太大吧？

陳﹕呵呵﹗ 到時你可以再訪問我，是吃了什麼防腐劑……

幕後人員流失 影響拍攝節目

記﹕如果你可以向高層反映，你覺得應該增加那些類型的節目？

陳﹕希望能增加一些基層性的節目，例如有關旅遊或飲食的。之前的《香港有飯開》做得不錯，可以入屋，又受主婦們歡迎。例如有一集介紹壽司外賣速遞，我自己看了也有興趣去嘗試，民以食為天，這些類型的節目收視雖不會很「爆」， 但是勝在收視很穩定。另外， 我亦希望盡快能開拍《撻著2》。 不過目前最大的問題，就是幕後工作人員的流失，公司需要招攬一批新的人材， 加以培訓，這些是需要時間的，不能一步到位。

7:58pm 06-02-2012

萍萍 ida

瓦努阿圖→瓦努亞洲→瓦努阿泰
東周訪問的圖好舒泰，放假 feel！以為去咗瓦努阿圖
咦～看看最後兩幅圖，原來Ken戴的是同一隻手表，咁啱嘅

7:48pm 06-02-2012

萍萍 ida

40萬蚊題目：
去年十月阿Ken返回ATV後，與亞視哪位高層一起出席新節目記招呢？
(答案：葉家寶)


50萬蚊題目：
請說出阿Ken和張文慈在《我和殭屍》系列中的角色名字？
(答案：山本一夫及山本未來)


60萬蚊題目：
圖中阿Ken的鬥牛勇士look造型，是亞視哪年的月曆照片呢？
(答案：○五年)


70萬蚊題目：
當年《少林足球百萬富翁慈善夜》中，轉為做參賽者的阿Ken，正被周星馳問甚麼問題？
(答案：我的原名是甚麼？)


名利穩定咗之後，我依家有少少為興趣做嘢，工作心態平和咗。




100萬蚊題目：
阿Ken跟太太Cynthia結婚幾多年呢？
(答案：十四年)

7:39pm 06-02-2012

萍萍 ida

點圖放大







「瓦努亞洲」宣傳片


收視創新低，最近仲話平均得一點，我都難受o架！

3:21pm 06-02-2012

萍萍 ida

東周刊 457期
留星語
從瓦努阿圖到瓦努亞洲 陳啟泰

是咁的，話說亞視為賀五月廿九號的五十五周年台慶，除出動全台藝員拍了首膠歌MV《Gimme Five》外，查實阿Ken陳啟泰也單獨拍了一個《百萬富翁》×「瓦努阿圖」廣告的「瓦努亞洲」宣傳片，更親自度了些自嘲台詞來贈興：

「大家好，你睇緊嘅係『瓦努亞洲』，我係陳啟泰！」、「喺香港，邊一間電視台最鍾意改台慶嘅日子，不過，最後憑良心都係改番五二九呢？」

雖然此片在電視上播了兩天便遭腰斬，但阿Ken說起這件事，還是有點得戚的。「初初個版本好鬼老正o架，拍拍吓個writer話可以玩得盡啲，咁我咪講『瓦努亞洲』囉，起碼有橋，大家會記得呀！YouTube個點擊率都有幾萬，啲人睇到都話抵死！引到你笑，我都開心o架！」

是的，因為特首競選，全城網民都說要移民到瓦努阿圖後，阿Ken自此便等於了瓦努阿圖。

「都幾好笑o架！有啲人會同我講：『嗰度有活火山，有食人族，你叫我移民去嗰度？想我死呀！』哈哈哈！當然咁講都唔係認真啦，嗰度只係畀大陸人移民嚟香港嘅踏腳石，邊有人會去土人度住呀！不過成件事都係正面嘅多，估唔到個反應咁犀利、咁爆！」

瓦努阿圖爆還爆，但阿Ken在整個訪問提及最多的，仍是亞視、亞視和亞視。「因為呢一切都係亞視畀我嘅！」

舔到盡
當然，要是比較起來，瓦努阿圖還是不及○一年阿Ken主持的《百萬富翁》影響深遠。「如果你講一個人舔盡一件事，我諗就係『陳啟泰舔盡《百萬富翁》』囉！十一年前嘅事，真係好犀利！舔到好盡！連瓦努阿圖都係佢嘅二次創作咋！我覺得真係超好彩o架！

「《百萬》之後嗰幾年，我都有諗過想甩咗呢個喺觀眾心目中嘅印象，但後來我諗通咗，其實我應該要將呢個印象好好運用囉，譬如話我可以去登台，同埋遲啲出國語唱片，都係因為《百萬》咋嘛！」

當年《百萬富翁》收視最高有三十九點，成了亞視史上的「神話節目」，而他亦從此被稱為「亞視一哥」。

「一乜嘢哥呀，因為冇人咋嘛！我九八年入嚟亞視到依家，喺我身上，我從未同過任何一位男士、女士爭過嘢做，都唔夠人，爭乜嘢呢？就算你話我同林韋辰，外形好似啦，高高瘦瘦、戴眼鏡，但都冇嘢好爭，因為乜嘢show都係我同佢一齊做！」

查實除了大show必定有他做司儀和唱歌跳舞表演外，就是資訊節目，以及從前開拍的劇集《我和殭屍》系列、《情陷夜中環》，亦會少不了他的嘜頭。「如果要講邊個舔到亞視最盡呢？嗰個一定係陳啟泰囉！因為我嘅『亞視人』形象太深刻喇！」

亞視人
的而且確，他的「亞視人」形象確實太深了，深到連他○九年曾跳槽過有線兩年，大概亦沒有很多人記得。「有好多人以為我去有線客串，其實我當時真係簽咗去有線，間中亞視有啲大show先叫我返嚟幫吓手。

「呢十幾年嚟，我選擇咗亞視，或者係亞視選擇咗我，件事其實係好夾囉，因為亞視最好嘅地方，係你諗到啲乜都幾乎可以做，我想啲節目好啲，我呢幾年參與多咗度橋，識我嘅人都知我其實係內裏open——雖然個外表唔係好斯文，哈哈！但啲人會將啲唔係好正常嘅嘢擺喺我身上，我會接受我人生條路係咁囉！」

然而，亞視的收視……「其實我都習慣咗，不過就屢創新高囉——嗰個沮喪！個收視創新低，最近仲話平均得一點，我都難受o架！好似之前嗰個台慶MV反應差，我都唔開心o架！

「有時，亞視有啲乜嘢唔好嘅嘢，啲人走嚟問我，我都會講句『唔好意思』，好似當咗間公司係我咁。嗰次我同班幕後講：『如果大家坐喺茶餐廳度，播緊嗰個MV係咁畀人踩，你哋大家都仲可以扮鵪鶉暱埋，但我唔得o架！一來、我個樣啦，二來、我真係喺亞視十幾年，我所有嘢都係亞視畀我o架！」

歸屬感
阿Ken說，在亞視比他更忠心的藝人，叫鮑起靜。「如果我喺亞視係『中臣子』，咁鮑姐一定係『老臣子』！佢嗰陣攞金像獎出嚟見傳媒，第一句唔係話好開心，而係『亞視啲crew喺邊？』呢幾個字！你可想而知佢對呢個台有幾深嘅情懷！所以佢聽到對於亞視唔好嘅嘢，佢係比我更難受！

「其實我哋唔係唔想做好啲節目，只係成日換老細，有好多嘢我哋都控制唔到！所以嗰陣亞視換咗台灣老細，佢唔想要啲咁貴嘅人，咁我同珊姐（朱慧珊）就首當其衝，裁走咗。我嗰陣同鮑姐做緊《開心大發現》，我同佢講要走，鮑姐就喺我面前喊起嚟：『唉，乜亞視真係咁樣o架？』」

另一個因為他的離開而哭的女人，是服裝間的一位阿姐「大眼」。「佢係個做嘢好有heart嘅人。我喺亞視因為成日要開工，喺服裝間有個櫃，有我個名，我走嗰陣去執番啲嘢，大眼就喊住咁話：『你幫亞視做咁多嘢，你都走？』然後仲話會留番個櫃畀我返嚟用。『唔使驚o架，你好快會返嚟o架啦！』你諗吓，一個服裝間阿姐留番個櫃畀你，已經係佢做到最有權力嘅事，真係好感動！我當時都眼濕濕o架！結果大半年前我返番嚟，就同佢講：『哼！你好嘢！你講得啱！』」

爭乜嘢
他坦言，那兩年過檔有線的日子，工作是開心的，只是未盡如他意。「嗰邊冇綜合節目，又冇劇集，製作資源又少啲，所以都唔係我想做嗰樣嘢囉，不過佢哋真係畀到我發揮，而且係開心嘅！」

那麼，在這十多年亞視受重用的日子，大概也曾引來無綫招手吧！「冇喎！係最近一次『逃亡潮』先call過我，都係問我張約仲有幾耐咋，唔係問我有冇興趣返去呀！我都係答佢：『仲有年幾約，到時先算啦！都就嚟世界末日咯！』真係喎，咁快call我都冇用啦！不過，我都感覺到佢哋冇人嘅地步，真係幾慌！」

但若現在重返TVB，應該會更得寵呀，陳煒、萬綺雯甫加入，已被安排在重頭劇演出啊。「見到佢哋發展得幾好，都開心o架！」他聳聳肩說。

還有陳展鵬呢。「咁展鵬係之前簽o架啦！佢唔使講啦！起碼嚟緊十幾年都係佢世界o架啦！佢係個有思想、做戲比較有心機嘅人，比較起一啲無綫嘅哥仔，hea吓hea吓咁做戲，你會覺得展鵬真係好好囉！佢有諗嘢、交足貨o架！呢啲咪似我囉！」

似你？「真係o架！我同佢一樣都係屬龍，『龍人』做嘢係咁樣o架，對工作好有熱誠o架！不過呢，自從《百萬》我啲名利穩定咗之後呢，其實我嘅工作心態開始平和咗，唔會再咁辛苦去fight啲乜，反而我依家有少少為興趣做嘢，對拍嘢會執着咗囉！」

都話《百萬富翁》影響深遠o架啦！

瓦努亞泰
跟幾年前和阿Ken做訪問時相比，這天眼前的他，顯得更加懶洋洋（並非hea那種）。我想，一來、因為今天我們面對着藍天碧海；二來，因為他是個從來都不求大富大貴，只求安安穩穩的人吧！

是真的，在幾年前的訪問中，他曾說過，小時候一家住在麥當勞道千呎豪宅，後來看見父親生意失敗，屋愈搬愈細後，他便定下了「要儲錢保障退休生活」的目標，「我唔想我將來都好似我老竇咁！」

結果呢，第一桶金很多年前他已儲到了，我相信他現在應該是更富有的，不過，原來他至今還是繼續揸十多廿萬的車，繼續居於觀塘功樂道那三十年樓齡的住所！「《百萬》嗰陣，我都帶過老婆去睇樓o架，但我老婆話：『換乜鬼呀，依家呢度唔好咩？』咁咪一直住落去囉，反正仲有兩年都供完，我哋又冇細路！」

那將來可會移民到瓦努阿圖享福？「其實我一早已經移咗民o架喇！我兩歲已經掟咗去加拿大，但老竇老母唔捨得，驚我變竹升，我就返咗嚟，十幾歲讀完中三先再過去，我有加拿大護照o架！不過，嗰邊真係空氣好好，啲樓好大，但悶吖嘛！都冇嘢好做，叫我點住啫！好似依家咁，可以出嚟沙灘影吓相，你話幾咁開心！」說罷，他擺出一副悠閒得戚樣，「我依家叫做『瓦努阿泰』吖嘛，乜我冇話你知咩？」爛gag！

10:24pm 05-30-2012

Fan

多謝報料!

6:26pm 05-30-2012

萍萍 ida

東周刊 457期
2012-05-29出版
留星語
從瓦努阿圖到瓦努亞洲 陳啟泰

3:42am 05-27-2012

萍萍 ida

載歌載舞『仙樂飄飄處處聞』粵語演出
主演：黃宇詩 陳啓泰 陳健豪
監製：高志森 導演：王嘉翊
春天實驗劇團
屯門大會堂演奏廳
7月27-28日,8月3-4日（五、六）19:30
7月29日,8月5日（日）15:00
$100,$140,$190

<仙樂飄飄處處聞>: 這個暑假,讓純真率性又熱愛唱歌的瑪麗亞姐姐為你載歌載舞,與一班天真可愛的小朋友們穿梭於你最熟悉最喜愛的音樂之中!<Do-Re-Mi>,<十六十七少年時>,<好東西>,<夜了,別了>,<Edelweiss>首首經典歌曲響盡屯門!

圖片來源 Garrick's facebook


自掃圖

8:07am 05-21-2012

萍萍 ida

1. Out here on my own (Irene Cara) + 我的故事 (陳百強)
http://www.tudou.com/programs/view/xKbWWr3Lx0k/
2. 禁色 (達明一派)
http://www.tudou.com/programs/view/GEwvSHGqGeo/
3. I've got a name (Jim Croce)
http://www.tudou.com/programs/view/9A7QUYGhIa4/
4. 至少還有你 (林憶蓮)
http://www.tudou.com/programs/view/EGedQSz7ru0/
5. 我願意 (王菲)
http://www.tudou.com/programs/view/fyf22tpQ1AM/
6. 胭脂扣 (梅艷芳)
http://www.tudou.com/programs/view/SCCkXwA6IJ0/
7. 你最珍貴 (張學友/高慧君)
http://www.tudou.com/programs/view/AMm3nJw_zI8/
8. Without you (Badfinger)
http://www.tudou.com/programs/view/oSuINof9rpE/
9. 零時十分 (葉蒨文)
http://www.tudou.com/programs/view/uNMff1QDiCI/
10. 今生今世 (張國榮)
http://www.tudou.com/programs/view/9YsLCewe7j0/
11. I left my heart in San Francisco (Tony Bennett) + 為你鍾情 (張國榮)
http://www.tudou.com/programs/view/uFCb4YYEr8M/
12. 教我如何不愛他 (許志安/葉德嫻&lrm
http://www.tudou.com/programs/view/EDfK3RBy410/

6:01pm 05-20-2012

萍萍 ida

大佬Ken話：今晚九點，我會在香港電台第二台唱歌，大家記得支持喔網上都可以即時收聽的

今晚九點，香港電台第二台，約定你《2000 靚歌再重聚》
http://programme.rthk.hk/channel/radio/programme.php?name=radio2/reunion&p=419
上次上區瑞強節目唱歌，是2010年父親節，快兩年了
可以打開網址聽直播和重溫

11:00am 05-17-2012

Fan

係呀! 連妳自己都唔來, 更加冇人來, 陰功!

Replied on: 3:23pm 06-02-2012

又真係幾陰功～
同亞視收視一樣

9:57pm 05-12-2012

萍萍 ida

原來已經兩個多月沒回來留言囉
好像百度和QQ更長時間沒登入
微博還算是有少許速度吧

2:45am 03-08-2012

萍萍 ida

找回舊的電台訪問，節目裡Ken提到醫學測試，名為 metabolic profile system 新陳代謝寫照系統

11:50pm 03-03-2012

ms wong

你好, 我都想要阿ken煮角裡講嘅醫學測試資料, 唔該.

Messages: 76 until 90 of 2291.
Number of pages: 153
Newer3 4 5 [6] 7 8 9Older

This free guestbook is brought to you by: 123Guestbook.com